Anar Yusif oğlu Hüseynov

1982-ci ildə Bakı şəhərində anadan olmuşdur.
2005-ci ildə Azərbaycan Beynəlxalq Universitetinin Jurnalistika fakultəsini bitirmişdir.  
2007-ci ildə Bakı Dövlət Universitetinin  Jurnalistika fakultəsini magistratura səviyyəsi üzrə fərqlənmə diplomu ilə bitirmişdir.  
2003-2008-ci  illərdə Azərbaycan Respublikası Müəllif Hüququları Agentliyində əmək fəaliyyətinə böyük mütəxəssis vəzifəsindən başlayaraq baş məsləhətçi vəzifəsinədək yüksəlmişdir. 
2008-ci ildə Azərbaycan Respublikası Standartlaşdırma, Metrologiya və Patent üzrə Dövlət Komitəsində Patent şöbəsində baş məsləhətçi vəzifəsinə təyin olunmuşdur.  
2012-ci ildə Azərbaycan Respublikası Standartlaşdırma, Metrologiya və Patent üzrə Dövlət Komitəsinin nəzdində yaradılmış “Sənaye mülkiyyəti obyektlərinin ekspertizası Mərkəzin”in (AzPatent) Əmtəə nişanlarının ekspertizası şöbəsində Beynəlxalq əmtəə nişanlarının ekspertizası sektorunun müdiri, 2017-ci ildən 2018-ci ilədək “Patent və Əmtəə Nişanları Mərkəzi”ndə Beynəlxalq əmtəə nişanlarının ekspertizası şöbəsinin müdiri işləmişdir. 
2018-2020-ci illərdə Azərbaycan Respublikası Əqli Mülkiyyət Agentliyinin tabeliyində olan Patent və Əmtəə Nişanlarının Ekspertizası Mərkəzinin Beynəlxalq əmtəə nişanı sektorunun müdiri vəzifəsində çalışıb. 
2020-ci ilin iyun ayından Mərkəzin direktorunun müavini vəzifəsinə təyin olunmuşdur. Ümumdünya Əqli Mülkiyyət Təşkilatı, Ümumdünya Ticarət Təşkilatı tərəfindən əqli mülkiyyət sahəsində keçirilən beynəlxalq tədbirlərdə iştrak və məruzələrlə çıxış, Amerika Birləşmiş Ştatları Patent və Əmtəə Nişanları Ofisi, Koreya Əqli Mülkiyyət Ofisi, Finlandiya Patent və Qeydiyyat Ofisi tərəfindən keçirilən təlimlərdə iştirak etmişdir. 
Əqli mülkiyyət sahəsində bir sıra diplom və sertifikatları vardır.  
İngilis və rus dillərini sərbəst bilir. 
1-ci dərəcəli dövlət qulluqçusudur.
Ailəlidir, 2 övladı var.

Nərgiz Azər qızı Hacıyeva

1975-ci ildə Bakı şəhərində anadan olmuşdur. 1997-ci ildə Azərbaycan Dillər İnstitutunu (indiki Azərbaycan Dövlət Xarici Dillər Universiteti) ingilis dili fakultəsini bitirmişdir. Əmək fəaliyyətinə 1995-ci ildə Azərbaycan Respublikası Elm və Texnika Komitəsi yanında  Milli Patent Ekspertizası Mərkəzində Əmtəə nişanlarının ekspertizası şöbəsində ekspert vəzifəsində başlamışdır.

2002-ci ildən Azərbaycan Respublikası Standartlaşdırma, Metrologiya və Patent üzrə Dövlət Agentliyində (sonradan Komitədə) Patent şöbəsinin Əmtəə nişanlarının ekspertisazı sektorunda aparıcı məsləhətçi vəzifəsinə təyin edilib. 2006-cı ildə  Agentliyin Beynəlxalq əlaqələr Şöbəsində aparıcı məsləhətçi vəzifəsində fəaliyyətini davam etdirib.

2014-cü ildə  Qanunvericilik və hüquq ekspertizası şöbəsində baş məsləhətçi vəzifəsinə təyin edilib. 2017-ci ildən 2018-ci ilədək  Komitənin tabeliyində olan “Patent və əmtəə nişanları Mərkəzi”ndə böyük ekspert, 2018-ci ilin oktyabr ayından 2020-ci ilin iyul ayınadək  Azərbaycan Respublikası Əqli Mülkiyyət Agentliyinin tabeliyində olan Patent və Əmtəə Nişanlarının Ekspertizası Mərkəzinin Beynəlxalq əmtəə nişanı sektorunda baş məsləhətçi vəzifələrində işləyib. 2020-ci ilin iyul ayından 2022-ci ilin avqust ayınadək  həmin sektorun müdiri vəzifəsində çalışıb.

2022-ci ilin avqust ayından Əmtəə nişanları və coğrafi göstəricilərin ekspertizası şöbəsində müdir müavini vəzifəsini tutub.

2023-cü ilin yanvar ayından   Mərkəzin direktor müavini vəzifəsində çalışır.

Əqli mülkiyyət sahəsində bir sıra milli və beynəlxalq sertifikatları vardır.

İngilis və rus dillərini sərbəst bilir. 

Dövlət qulluğunun kiçik müşaviridir.